111 
កំពត៖ ឈ្មួញទុច្ចរិតលួចកាយដីភ្នំយ៉ាងសប្បាយអជ្ញាធរហាក់មើលមិនឃើញទាល់តែសោះទំនងជាត្រូវរ៉ូវវគ្នាហើយមើលទៅ?
ហេតុការណ៍នេះស្ថិតនៅក្នុងភូមិ បុស្បត្របែក ឃុំ ត្រពាំងព្រីង ស្រុកទឹកឈូ ខេត្ត កំពត ។
កាលពីព្រឹកថ្ងៃទី១៤ ខែតុលា ឆ្នាំ២០១៩ លោកវរសេនីយ៍ឯក សែម សឿន មេបញ្ជារងកងរាជអាវុធហត្ថទទួលបន្ទុកសន្តិសុខព័ត៌មានខេត្តកំពត
បានដឹកនាំកម្លាំងកងរាជអវុធហត្ថ និងមានការចូលរួមលោក ហុក គាសកល នាយផ្នែករដ្ឋបាលព្រៃឈើ
ចុះទៅឃាត់គ្រឿងចក្រ អេស្កាវឺទ័រ ដែលបានលួចជីកកកាយដីភ្នំដែលជាទ្រព្យសម្បត្តិរបស់រដ្ឋ។
លោកវរសេនីយ៍ឯក សែម សឿន បានឲ្យដឹងថា ក្រោយពេលកម្លាំងពួកលោកឆ្មក់ចូលទីតាំងជីកកកាយដីភ្នំឈ្ងោក
ឈ្មួញទុច្ចរិតហាក់មានអ្នកលួចរាយការណ៍ជាមុន
ជនខិលខូចទាំងអស់នោះបាននាំគ្នារត់ចែកជើងគ្នាបើកគ្រឿងចក្រយកទៅលាក់ក្នុងព្រៃជ្រៅ
ទំរាំតែកម្លាំងសមត្ថកិច្ចរុករកឃើញត្រូវចំណាយពេលអស់ជាច្រើនម៉ោង។
លោក សែម សឿន បន្តថា ម្ចាស់គ្រឿងចក្រដែលចូលមកទន្ទ្រានកាប់កកាយដីភ្នំឈ្ងោកខាងលើដេីម្បីតែផលប្រយោជន៍ផ្ទាល់នោះ
ឈ្មោះ លោកស្រី ផេង ហ៊ាង អាយុ៥១ឆ្នាំ ស្នាក់នៅ ភូមិក្រាំង ឃុំក្រាំងអំពិល ស្រុកទឹកឈូ ខេត្តកំពត
អ្នកស្រី ផេង ហ៊ាង មិនមានអជ្ញាប័ណ្ណអនុញ្ញាតឲ្យមកកាប់កាយព្រៃឬដីភ្នំឈ្ងោកនេះឡើយ
ទង្វើរបស់លោកស្រីគឺជាទង្វើខុសច្បាប់ដែលមិនអាចអត់អោននឹងលើកលែងបានឡើយ។
លោកស្រី ផេង ហ៊ាង បានបង្ហាញអជ្ញាប័ណ្ណលេខ ១៧៦/១៩លអញ ចុះនៅថ្ងៃទី០៣ ខែ មេសា ឆ្នាំ២០១៩
ដែលមានហត្ថលេខាលោក ជាវ តាយ អភិបាលខេត្តកំពត
នៅក្នុងអជ្ញាប័ណ្ណមួយសន្លឹកនេះបានបញ្ជាក់យ៉ាងច្បាស់ថា អនុញាតឲ្យលោកស្រី ផេង ហ៊ាង
ដែលមានអាសយដ្ឋាននៅភូមិ ក្រាំង ឃុំក្រាំងអំពិល ក្រុងកំពត ខេត្តកំពត ផ្តល់សេវាកម្ម ជីកអាចម៌ដី រណ្តៅដីចល័តនៅក្នុងបរិវេណតែឃុំព្រៃឃ្មុំ ស្រុកទឹកឈូ ខេត្តកំពតតែប៉ុណ្ណោះ។
យោងទៅលើឯកសាររបស់លោកស្រី ផេង ហ៊ាង លោក ហុក គាសកល នាយផ្នែករដ្ឋបាលព្រៃឈើបានប្រាប់មកអ្នកសារព័ត៌មានថា
លោកស្រីបានល្មើសច្បាប់មិនគោរពតាមការណែនាំដោយសំអាងអជ្ញាប័ណ្ណមួយសន្លឹកដើរជីកកាយគាស់ដីកាប់ភ្នំតាមតែអំពើចិត្ត
គិតតែផលប្រយោជន៍ផ្ទាល់ខ្លួន បំភ្លិចបំផ្លាញសម្បត្តិរដ្ឋដែលធ្វើឲ្យខាតបាត់បង់ថវិការជាតិយ៉ាងខ្លាំង។
តាមប្រភពពីពលរដ្ឋដែលរស់នៅភូមិឃុំខាងលើបានឲ្យដឹងថា
ចាប់តាំងពីលោកស្រី ផេង ហ៊ាង ដាក់គ្រឿងចក្រចូលមក ធ្វើឲ្យខូចផ្លូវថ្នល់អស់ជាច្រើនខ្សែ ដែលរដ្ឋបាលឃុំនិងខេត្តចំណាយថវិការអស់រាប់មឺនដុល្លាដើម្បីកសាងផ្លូវទាំងអស់នេះ។
បើនិយាយពីលោកមេភូមិមេឃុំវិញហាក់ត្រូវរ៉ូវគ្នាជាមួយឈ្មួញទុច្ចរិតទាំងអស់នោះណាស់បានជាបណ្តែតបណ្តោយឲ្យជនខិលខូចចូលមកទន្ទ្រានកាប់ព្រៃជីកកកាយដីគាស់ភ្នំឈ្ងោកតាមតែអំពើចិត្តដោយមិនមានចំណាត់ការអីទាល់តែសោះ។
