15 
(ហ្លរីដា)៖ កីឡាករ Romeo កូនប្រុសបង្កើតរបស់អតីតកីឡាករជម្រើសជាតិអង់គ្លេស David Beckham បានចូលប្រកបអាជីពបាល់ទាត់ជាផ្លូវការហើយ។ នេះបើយោងតាមសារព័ត៌មាន Evening Standard ចេញផ្សាយនៅថ្ងៃទី០៥ ខែកញ្ញា ឆ្នាំ២០២១។
ទាយាតរបស់បុរសដ៏ល្បីឈ្មោះរូបនេះបានចុះឈ្មោះរបស់គាត់ឲ្យក្លិបអាមេរិក Fort Lauderdale ក្នុងរដ្ឋហ្លរីដា ដែលជាក្លិបបម្រុង (Reserve Team) សម្រាប់ក្លិប Inter Miami របស់លោក Backam។ តាមរយៈការដើរតាមគន្លងរបស់ឪពុករបស់ខ្លួន កីឡាករវ័យ ១៩ឆ្នាំ បានប្រកាសប្រាប់អ្នកតាមដានលើ Instagram ថា «សូមឈោងចាប់សុបិនរបស់អ្នក»។
ភ្ជាប់នឹងពាក្យដ៏មានតម្លៃ ៣ម៉ាត់នោះ គាត់ក៏បានចែករំលែករូបភាពជាច្រើនរបស់គាត់កំពុងហ្វឹកបាល់ទាត់។ Bio នៅលើ Instagram របស់គាត់ឥឡូវនេះ សរសេរថា «កីឡាករសម្រាប់ក្លិប Fort Lauderdale ឬ Footballer for @fortlauderdalecf»៕
