46 
ខណ្ឌឬស្រីកែវ៖ ទីតាំងកត់ឆ្នោតវៀតណាមខុសច្បាប់មួយកន្លែងដែលស្ថិតនៅផ្សារសាំហាន់ តូបលេខB6 ផ្លូវ105 ក្រុមទី៥ ភូមិបាក់ទូក សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ ត្រូវបានបង្ក្រាបកាលពីថ្ងៃទី២៤ខែមីនាឆ្នាំ២០២១។
ឯកឧត្តម ជា ពិសី ប្រធានគណៈបញ្ជាការឯកភាពរដ្ឋបាលខណ្ឌ និងជាអភិបាលខណ្ឌឫស្សីកែវ បានប្រគល់ភារកិច្ចជូន លោក លីន ញ៉ក់ អភិបាលរងខណ្ឌឫស្សីកែវ ដឹកនាំកម្លាំងចំរុះចុះប្រតិបត្តិការបង្ក្រាបទីតាំងកត់ឆ្នោតដុះស្លែខាងលើ ដោយឃាត់ខ្លួនបានមេឆ្នោត១នាក់ និង សម្ភារៈរួមមាន តុកៅអី ក្តាខៀន សំរាប់កត់លេខឆ្នោត និងស្លាកឡូហ្គូមួយចំនួន។
យោងតាមផេកផ្លូវការឯកឧត្តម ជា ពិសី បានបញ្ជាក់ថាម្ចាស់ទីតាំងល្បែងត្រូវបានឃាត់ខ្លួនយកមកធ្វើកិច្ចសន្យាអោយបញ្ឈប់សកម្មភាព និងធ្វើកំណត់ហេតុ បិទទីតាំងនេះជាបណ្តោះអាសន្ន៕អត្ថបទ នាយភ្លុក
