44 ចិន៖ អគ្គនាយករងអង្គការសុខភាពពិភពលោក គឺលោកស្រី Mariangela Simao បាននិយាយកាលពីថ្ងៃសុក្រថា អង្គការសុខភាពពិភពលោកនឹងចាប់ផ្ដើម ពិចារណាវ៉ាក់សាំងបង្ការជំងឺ COVID-19 ចំនួន២ របស់ប្រទេសចិន សម្រាប់ការអនុម័តឲ្យប្រើប្រាស់បន្ទាន់នៅសប្ដាហ៍ក្រោយ។
ប្រទេសចិនកំពុងផ្សព្វផ្សាយវ៉ាក់សាំងចំនួន២ ដែលផលិតដោយក្រុមហ៊ុន Sinopharm and Sinovac ហើយបានចុះហត្ថលេខាលើកិច្ចព្រមព្រៀងជាច្រើន ដើម្បីនាំចេញវ៉ាក់សាំងទាំង២ ចំនួនរាប់លានដូស។ លោកស្រី Simao បាននិយាយថា អង្គការសុខភាពពិភពលោកក៏កំពុងស្វែងរក ការអនុម័តបន្ទាន់សម្រាប់វ៉ាក់សាំងរបស់ក្រុមហ៊ុន AstraZeneca របស់ចក្រភពអង់គ្លេសពីទីតាំងផលិតនានា នៅក្នុងប្រទេសកូរ៉េខាងត្បូង និងប្រទេសឥណ្ឌាផងដែរ៕
