58 
ខេត្តព្រះវិហារ: នៅព្រឹកថ្ងៃទី១៨ ខែតុលា,ឆ្នាំ២០២០ មានរថយន្ត៣គ្រឿងមានម៉ាកសុីណា១គ្រឿង និងលុចស៉ីស២គ្រឿង បើកចេញពីរស្រុកសង្គមថ្មី ខេត្តព្រះវិហារ កោលបំណងសំដៅឆ្ពោះ ទៅខេត្តកំពង់ធំ យ៉ាងប្រញាប់ប្រញាល់ រ៉េពេញផ្លូវយ៉ាងអនាធិប្បតេយ្យ។ ស្រាប់តែមកដល់ចំណុចចម្ការកៅស៊ូរ ស្ថិតក្នុងភូមិ អូពោធិ ឃុំអូរពោធិ៍ ស្រុករវៀង ខេត្តព្រះវិហារ នៅចន្លោះបង្គោលគីឡូម៉ែត្រលេខ៤៩ លេខ៥០ បានបែកកង់ក្រោយ រួចក៍បានបើកអែបមកខាងស្ដាំលើចិញ្ចើមផ្លូវ ដោយទៅមុខលែងរួច។
ឃើញដូច្នោះសមត្ថកិច្ចនៅតាមដងផ្លូវ សង្ស័យក៍បានឈប់មើល ហើយក៍ហៅតៃកុងមកសួរនាំ ភ្លាមៗនោះផងដែរតៃកុងឃើញសភាពមិនស្រួល ក៍ដើសំដៅទៅរថយន្ត២គ្រឿងខាងមុខ ដែលជាបក្សពួកគេដោយមិនបានឆ្លើយនិងសំនួរសមត្ថកិច្ចឡើយ ស្រាប់តែចូលរថយន្តខាងមុខ បើកចេញទៅបាត់បន្សល់រថយន្តបែកកង់ខាងលើ ទើបសមត្ថកិច្ចសង្ស័យក៍បើកទ្វារថយន្តដែលបែកកង់ខាងលើនោះ ស្រាប់តែឃើញក្នុងរថយន្តផ្ទុកទៅដោយឈើប្រណិតជាច្រើនដុំពេញរថយន្តតែម្តង។
សមត្ថកិច្ចបានបញ្ចាក់ថា: ក្រោយធ្វើការពិនិត្យទៅលើរថយន្តម៉ាកស៉ីណា ពណ៌សរ ពាក់ស្លាកលេខបាត់ដំបង.2A.6154 ដែលដឹកជញ្ជូនបទល្មើសព្រៃឈើខាងលើនេះ ក្រោយធ្វើការបង្ក្រាបហើយ មន្ត្រីបរិស្ថានក៍បានយករថយន្តខាងលើ មកស្នាក់ការបរិស្ថានអូរពោធិ ដើម្បីរក្សាទុករងចាំម្ចាស់ចូលខ្លួន មកដោះស្រាយដើម្បីចាត់ការតាមនិតិវិធីច្បាប់។ សូមបញ្ជាក់ថាក្រោយការបង្ក្រាប ឈើទាំងនោះនូវមិនទាន់បាន រាប់ដឹងចំនួនម៉ែត្រគូបនៅឡើយទេ។
