453 
លោក ហេង អម្រឹត អាយុ២១ឆ្នាំ មានស្រុកកំណើតនៅ ភូមិចំការតាដោក ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ ឱពុកម្តាយ អម្រឹត ជាកសិករ មានកូនប្រុស៥នាក់ អម្រឹត ជាកូនច្បងក្នុងគ្រួសារ នៅក្នុងឆ្នាំ២០១៥ អម្រឹត សម្រេចចិត្តមកបន្តការសិក្សានៅភ្នំពេញ អម្រឹត រៀនផ្នែកអក្សរសាស្ត្រ ភាសាអង់គ្លេស បច្ចុប្បន្នអម្រឹតគឺជាគ្រូបង្រៀនភាសាអង់គ្លេសដ៏ឆ្នើម។
ដោយសារតែជីវភាពគ្រួសារមានការខ្វះខាត អម្រឹត ទៅធ្វើការរត់តុនៅហាងបាយមួយកន្លែងដើម្បីសម្រួលជីវភាពក្នុងពេលសិក្សា។ អម្រឹត មិនត្រឹមតែរៀនពូកែហើយក៍ជាគ្រូភាសាអង់គ្លេសដ៏ឆ្នើមនោះទេបច្ចុប្បន្ន អម្រឹត គឺជាតារាដែលចាប់ផ្តើមរះក្នុងវិស័យសិល្បះផងដែរ។
អម្រឹត បានឈានជើងចូលក្នុងវិស័យសិល្បះតាមរយៈការបង្ហាត់បង្រៀនដោយផ្ទាល់ពីលោកគ្រូ ឡុង សុខហៀង ដែលជាប្រធានក្លឹបបង្ហាត់សិល្បៈ ឡុង សុខហៀង។ អម្រឹត ត្រូវបានផលិតកម្មហៅទៅថតសម្តែងជាញឹកញាប់ អម្រឹត អាចចូលតួបានគ្រប់រឿងគ្រប់រស់ជាតិតែម្តង បើនិយាយពីអតចរិកវិញ អម្រឹត គឺជាមនុស្សរសរាយរាក់ទាក់ហើយតែងតែធ្វើឱ្យមនុស្សនៅជំវិញខ្លួនសើចសប្បាយគ្រប់ពេល។
