តើអ្វីទៅជាផលិតផលវិស័យគ្រឿងសំអាង? ហើយកំរិតគុណភាពស្តង់ដារយ៉ាងដូចម្ដេច ដើម្បីកុំឲ្យបង្កមានផលប៉ះពាល់បញ្ហា សុខភាពនិងសម្រស់ដល់អ្នកប្រើប្រាស់?

វិស័យគ្រឿងសម្អាងគឺជាផលិតផល ត្រូវបានរៀបចំដើម្បីថែរក្សានឹងយកមកអនុវត្តប្រើប្រាស់លើសរីរាង្គ  , រាងកាយ ពីចុងសក់រហូតដល់ចុងជើង ដើម្បីកែលម្អផ្លាស់ប្ដូរព័ណ៌សម្បុរស្បែក រូបរាងដងខ្លួននិងផ្ទៃមុខ និងផ្សេងៗជាច្រើនទៀត ឱ្យមានភាពស្រស់ស្អាត គួរឲ្យទាក់ទាញ របស់អ្នកផង ពិសេសធ្វើឱ្យមានជំនឿជឿជាក់លើខ្លួនឯងក្នុងការប្រាស្រ័យទាក់ទងជាមួយមិត្តភក្តិ និងមនុស្សដទៃដែលនៅជុំវិញខ្លួនយើង។ ហើយការជ្រើសរើសយកប្រភេទផលិតផលវិស័យគ្រឿងសំអាងយកមកប្រើប្រាស់ជាប្រចាំនោះ គឺអាស្រ័យទៅតាមអ្វីដែលជា ការពេញនិយម រឺចំណង់ចំណូលចិត្តរបស់បុគ្គលផ្ទាល់។ ដូច្នេះកំរិតនិងគុណភាពស្តង់ដារ គឺជាចំណុចមួយដែលមានសារៈសំខាន់ ដែលអ្នកប្រើប្រាស់ប្រុសស្រីគ្រប់រូប គ្រប់វ័យ គួរតែគប្បីយល់ដឹងឲ្យបានច្បាស់ ពីគុណភាពកំរិតស្តង់ដារបស់ផលិតផលទាំងនោះ ដើម្បីជៀសផុតអំពីបញ្ហាទាំងឡាយណាដែលបង្ករឲ្យប៉ះពាល់ដល់សុខភាពនិងសម្រស់នាពេលបច្ចុប្បន្នកំពុងប្រើ រឺនៅពេលអនាគត។

ដើម្បីជាការជៀសវាងនៅបញ្ហាដែលអាចបង្កឲ្យមានផលប៉ះពាល់ដល់សុខភាពនិងសម្រស់ ទៅលើអ្នកប្រើប្រាស់នេះបាន សមាគមអ្នកប្រឹក្សាយោបល់គ្រឿងសំអាងស៊ីស៊ីអេ បានសហការជាមួយ ដៃគូអន្តរជាតិ ប្រទេសកូរ៉េតំណាងខេត្តឃ្យុងប៊ុក GBC រៀបចំបើកសិក្ខាសាលា ស្ដីពី “ការយល់ដឹង អំពី ផលិតផលគ្រឿងសំអាងកូរ៉េ” understanding about product Korea cosmetic . ដែលមានការសហការចូលរួមឧបត្ថម្ភដោយ ក្រុមហ៊ុនពិភាក្សាយោបល់ លើការចុះបញ្ជីនិងរៀបចំអាជីវកម្មឲ្យស្របតាមច្បាប់សារពើពន្ធនៃអគ្គនាយកដ្ឋានពន្ធដារ NAVYLEE CONSULTING , ក្រុមហ៊ុនអចលនទ្រព្យចាន់ណាលេន ក្រុមហ៊ុន BIYO Japan skincare, App Unisalon , ការិយាល័យមេធាវី BT ។

ដែលបានប្រព្រឹត្ត រយៈពេលមួយព្រឹក នាថ្ងៃទី 19 សីហាឆ្នាំ 2023 នៅអគារមជ្ឈមណ្ឌល វប្បធម៌ទេសចរណ៍និងពាណិជ្ជកម្មភ្នំពេញឃ្យុងប៊ុក ជិតរង្វង់មូលសម្ដេចសង្ឃជួនណាត ខណ្ឌចំការមនរាជធានីភ្នំពេញ។

ក្នុងសិក្ខាសាលានេះយើងបានសង្កេតឃើញថា មានវាគ្មិន តំណាងភាគីរោងចក្រមកពីប្រទេសកូរ៉េចំនួនពីរក្រុមហ៊ុនធំៗគឺ Trade Trek (ត្រេដ តុីក) តំណាងដោយលោកហាន់ស៊ុនហូរ (Han Sunho) និង ក្រុមហ៊ុន EPI-GURU តំណាងដោយលោក ចុងយន់កាន (Jongyun Kang) និង វាគ្មិនកម្ពុជាចំនួន បួននាក់ រួមទាំងភ្ញៀវកិត្តិយសដែលជាម្ចាស់អាជីវកម្មវ័ស័យគ្រឿងសំអាងនិងវិស័យផ្សេងៗប្រមាណជា 70 នាក់ បានចូលរួម