69 
ខេត្តព្រះសីហនុ៖ កាលពីរសៀលម៉ោង២ថ្ងៃចន្ទ ១២កើត ខែបុស្ស ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី០៦ ខែមករា ឆ្នាំ២០២០ លោក លិន សារិន មេឃុំរាម បានកោះអញ្ជើញប្រជាពលរដ្ឋដែលរស់នៅ ភូមិអុង ឃុំរាម ស្រុកព្រៃនប់ ខេត្តព្រះសីហនុ មកដោះស្រាយពីបញ្ហាទំនាស់ដីធ្លីដែលពលរដ្ឋរស់នៅតាមមាត់ព្រែកស្ពានបាក់។
យោងតាមប្រសាសន៍លោក លិន សារិន មេឃុំរាម បាននាំពាក្យមកប្រាប់ប្រជាពលរដ្ឋថាក្នុងមួយខ្នងផ្ទះនិងទទួលបានចំនួន $3000 បីពាន់ដុល្លា ជាថ្នូរក្នុងការរុះរើផ្ទះចេញពីមាត់ព្រែកស្ពានបាក់។
តែប្រជាពលរដ្ឋមិនព្រមទទួលសំណងខាងលើនោះទេដោយពួកគាត់បានលើកឡើងថា ខ្ញុំមករស់នៅមាត់ព្រែកស្ពានបាក់នេះតាំងពីឆ្នាំ ១៩៩៣ មកម្លេស ហើយក៍មិនបានធ្វើផ្ទះរស់នៅលើដីអស់លោកណាដែរហេតុអ្វីបានជាមានឈ្មោះ វ៉ាន់ ឆារស៍ជួន មកប្តឹងពួកគាត់ឡើងតុលាកាដំបូងខេត្តព្រះសីហនុ កាលពីថ្ងៃទី០៣ ខែធ្នូ ឆ្នាំ២០១៩ ថាពលរដ្ឋមករស់នៅលើដីរបស់ខ្លួនទៅវិញទាំងពលរដ្ឋមិនដែលហ្នឹងស្គាល់ឈ្មោះ វ៉ាន់ ឆារស៍ជួន នេះផង។
ក្រោយធ្វើការសម្របសម្រួលគ្នារវាងពលរដ្ឋហ្នឹងលោក លិន សារិន មេឃុំរាម មិនត្រូវរូវគ្នាលោកមេឃុំក៍ធ្វើរបាយការណ៍ជូនទៅថ្នាក់លើដើម្បីសូមគោលការណ៍បន្ត។
