ផ្ទុះការភ្ញាក់ផ្អើលយ៉ាងខ្លាំងរបាំងថ្មពុះចែកទ្រូងផ្លូវជាពីរចេះរំកិលក្បាលដូចមានបារមីកាន់ ក្លាយជាចម្ងល់ «ឆ្ងល់អើយ! សែនឆ្ងល់!» របស់ពលរដ្ឋ

ភ្នំពេញ៖ យោងតាមប្រភពពីពលរដ្ឋម្នាក់ក្នុងចំណោមពលរដ្ឋជាច្រើនបានផ្តល់ព័ត៌មានមកភ្នាក់ងារសារព័ត៌មានរហាត់ទឹក ថា ៖ ក្បាលថ្មរបាំងពុះចែកទ្រូងផ្លូវជាពីរ បានរំកិលឃ្លាតឆ្ងាយពីស្តុបយ៉ាងចម្លែកខុសប្លែកពីកន្លែងស្តុបផ្សេងៗក្នុងរាជធានីភ្នំពេញ ចំនួន២កន្លែងបានក្លាយជាចម្ងល់ «ឆ្ងល់អើយ! សែនឆ្ងល់!» ដល់ពលរដ្ឋដែលមានទីលំនៅក្បែរម្តុំភ្លើងស្តុប និង ពលរដ្ឋដែលតែងតែធ្វើដំណើរឆ្លងកាត់ ស្តុបខាងលើជាញឹកញាប់យ៉ាងខ្លាំង ពិសេសក៏មានទាំងអាជ្ញាធរខណ្ឌ ព្រមទាំងមន្ត្រីប៉ូលីសចរាចរណ៍ដែរនៅប្រចាំការនៅស្តុបខាងលើផងដែរ ៖ ហេតុអ្វីបានជាមន្រ្តីសាលារាជធានីភ្នំពេញ ធ្វើការរំកិលក្បាលថ្មពុះចែកទ្រូងផ្លូវឆ្ងាយពីភ្លើងស្តុបបែបនេះ ?

សូមបញ្ជាក់ថា៖ ភ្លើងស្តុបពីរកន្លែងខាងលើមានទីតាំងតាមបណ្តោយមហាវិថីព្រះមុនីវង្ស ត្រង់ចំនុចភ្លើងស្តុបផ្លូវបំបែកជាបួន ដែលមានផ្លាកសញ្ញាសំគាល់ភ្លើងស្តុប «សេរីភាព» និង ភ្លើងស្តុប «អូតែ ស» ដែលស្ថិតនៅលើផ្លូវបំបែកជាបួន រវាងមហាវិថី ព្រះមុន្នីវង្សបំបែកជាបួនជាមួយផ្លូវ217 (Charles de Gaulle Blvd ) នៅចន្លោះខណ្ឌដូនពេញ និងខណ្ឌ៧មករា ។ ហើយអ្វីដែរចាប់អារម្មណ៍ខ្លាំងគឺភ្លើងស្តុបអូតែល ស ចាប់តាំងពីរំកិលឃ្លាតឆ្ងាយពីស្តុបមកធ្វើឲ្យអ្នកបើកបរមួយចំនួន បើកបរបត់មិនគោរពស្លាកសសញ្ញា ,  មានភាពរញ៉េរញ៉ៃគ្មានសណ្តាប់ធ្នាប់ ប៉ះពាល់ដល់កន្លែងចំណតរងចាំទទួលអ្នកតំណើរតាមរថយន្តក្រុង ជាពិសេសចាប់ផ្តើមកើតមានគ្រោះថ្នាក់ចរាចរណ៍ជាញឹកញាប់បន្ទាប់ពីការរំកិលក្បាលថ្មចែកទ្រូងផ្លូវ ។

ដើម្បីជាការអស់ចម្ងល់ «ឆ្ងល់អើយ! សែនឆ្ងល់!» របស់មហាជន សង្ឃឹមថា  ឯកឧត្ដម ម៉េត មាសភក្តី អ្នកនាំពាក្យសាលារាជធានីភ្នំពេញ នឹងស្រាយបំភ្លឺពីគោលបំណងដែលសាលារាជធានីភ្នំពេញ បានរំកិលក្បាលថ្មពុះចែកទ្រូងផ្លូវខាងលើ ?

រាជធានីភ្នំពេញ ,ចុះផ្សាយថ្ងៃទី03ខែកញ្ញា ឆ្នាំ2022