117 
ក្រុងកែប៖ ប្រភពពីសមត្ថកិច្ចនគរបាលខេត្តកែប បានឲ្យដឹងថាបច្ចុប្បន្នកម្លាំងសមត្ថកិច្ចបានសហការគ្នាជួយសង្គ្រោះបានមនុស្សចំនួន១៣នាក់ហើយ ក្នុងនោះមានទាំងរងរបួសធ្ងន់ស្រាល ត្រូវបានបញ្ជូនទៅសម្រាកព្យាបាលនៅមន្ទីរពេទ្យ។ ប្រភពដដែលបន្តថាមនុស្សដែលនៅក្រោមគំនរអគារដែលបាក់បែកនោះ មានប្រហែលចំនួន៣០នាក់។
សេចក្តីរាយការណ៍ដែលបានដឹងថាមកដល់ពេលនេះអាជ្ញាធរខេត្តកែបរួមជាមួយនឹងកងកម្លាំងប្រដាប់អាវុធគ្រប់ប្រភេទកំពុងរិះរកគ្រប់មធ្យោបាយដើម្បីពន្លឿនការជួយសង្គ្រោះ បើអេស្កាវាទ័រត្រូវបានបញ្ជូនទៅដល់ទីតាំងកើតហេតុ។
ប្រភពដដែលបញ្ជាក់ថា អគារកម្ពស់៧ជាន់នោះ បានសុំច្បាប់សាងសង់កម្ពស់៥ជាន់ បច្ចុប្បន្នសាងសង់រហូតដល់៧ជាន់ បណ្តាលឲ្យបាក់សង្កត់កម្មករជាច្រើននាក់។
សូមជម្រាបថា មានការភ្ញាក់ផ្អើលយ៉ាងខ្លាំង ដោយមានករណីបាក់ស្រុតអគារ កម្ពស់៧ជាន់ស្រុតចុះមកក្រោម សង្កត់មនុស្សជាប់នៅខាងក្នុង ប្រហែល៣០នាក់ នៅខាងក្នុង មានទាំងស្ត្រីមានផ្ទៃពោះទៀត។ហេតុការណ៍នេះកើតឡើងកាលពីវេលាម៉ោង ៤និង៤០នាទីល្ងាច ថ្ងៃទី៣ ខែមករា ឆ្នាំ២០២០ នៅជិតវត្តសមាធិ ក្រុងកែប ខេត្តកែប ៕
