13 
ខណ្ឌសែនសុខ៖ លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ រាជធានីភ្នំពេញ នឹងដាក់កម្លាំងស្រាវជ្រាវ ហាងចិនមួយកន្លែងឈ្មោះ ឡឺក ធានភ្លេរ ដែលស្ថិតនៅតាមបណ្តោយផ្លូវ1019 ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ បន្ទាប់ពីពលរដ្ឋបានរាយការណ៍ថាហាងចិនខាងលើមានលួចបង្កប់ល្បែងសុីសងខុសច្បាប់មានដូចជាទូហ្គេមបាញ់ត្រី និងមានល្បែងផ្សេងៗទៀត។
យោងតាមប្រភពបានឲ្យដឹងថាហាងចិន ឡឺក ធានភ្លេរ បានប្រើរូបភាពបើកហាងលក់គ្រឿងស្រវឹងដើម្បីបំភាន់ភ្នែកមហាជននិងសមត្ថកិច្ច បន្តែរនៅខាងក្នុងមានដាក់តាបបុកប៊ីយ៉ា ហើយនៅជាន់ខាងលើៗមានលួចបង្កប់ទូហ្គេមបាញ់ត្រី ដែលជាល្បែងសុីសងខុសច្បាប់។
ប្រភពដែលបានផ្តល់ព័ត៌មានសង្ឃឹមថាលោក វរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ រាជធានីភ្នំពេញ នឹងបង្ក្រាបរាល់ល្បែងសុីសងខុសច្បាប់ដែលកំពុងតែលួចសង្ងំលួចលាក់ក្នុងរូបភាពហាងផឹកសុី និង ភោជនីយដ្ឋានផ្សេងៗទៀត។អត្ថបទ នាយភ្លុក
