6 
ស៊ូដង់៖ នាយករដ្ឋមន្ត្រីស៊ូដង់លោក Abdalla Hamdok បានលាលែងពីតំណែង ខណៈជាប់គាំងខាងនយោបាយ បន្ទាប់ពីរដ្ឋប្រហារយោធាដែលបានបង្អាក់ការផ្លាស់ប្តូរដ៏ផុយស្រួយរបស់ប្រទេសទៅកាន់លទ្ធិប្រជាធិបតេយ្យ។ នៅក្នុងសុន្ទរកថាតាមទូរទស្សន៍កាលពីល្ងាចថ្ងៃអាទិត្យ លោក Hamdok ដែលបានចុះហត្ថលេខាលើកិច្ចព្រមព្រៀងនយោបាយ ជាមួយយោធាកាលពីខែវិច្ឆិកាបាននិយាយថា ការពិភាក្សាតុមូលគឺចាំបាច់ដើម្បីឈានដល់កិច្ចព្រមព្រៀងថ្មីមួយ។
លោក Hamdok អតីតមន្ត្រីអង្គការសហប្រជាជាតិដែលត្រូវបានគេមើលឃើញថា ជាការជំនួសមុខឲ្យជនស៊ីវិលនៃរដ្ឋាភិបាលអន្តរកាលរបស់ប្រទេសស៊ូដង់ ត្រូវបានឡើងកាន់អំណាចជាថ្មីកាលខែវិច្ឆិកា ស្របពេលមានសម្ពាធអន្តរជាតិនៅក្នុងកិច្ចព្រមព្រៀងមួយ ដែលបានអំពាវនាវឱ្យមានគណៈរដ្ឋមន្ត្រីតាមបែបបច្ចេកវិទ្យាឯករាជ្យ ក្រោមការត្រួតពិនិត្យផ្នែកយោធាដឹកនាំដោយរូបលោក។ ទោះជាយ៉ាងណាក៏ដោយ កិច្ចព្រមព្រៀងនោះត្រូវបានច្រានចោលដោយចលនាគាំទ្រលទ្ធិប្រជាធិបតេយ្យ ដែលទទូចថាអំណាចត្រូវបានប្រគល់ទៅឱ្យរដ្ឋាភិបាលស៊ីវិលពេញលេញ ដែលមានភារកិច្ចដឹកនាំការផ្លាស់ប្តូរ។ ក្រុមគ្រូពេទ្យបាននិយាយថា ការលាលែងពីតំណែងរបស់លោក Hamdok បានកើតឡើង បន្ទាប់ពីកងកម្លាំងសន្តិសុខស៊ូដង់បានបំបែកក្រុមបាតុករ គាំទ្រលទ្ធិប្រជាធិបតេយ្យយ៉ាងហិង្សាប្រឆាំងនឹងរដ្ឋប្រហារយោធាធ្វើឡើងកាលពីថ្ងៃទី២៥ ខែតុលា ដោយបានសម្លាប់មនុស្សយ៉ាងហោចណាស់ ២នាក់៕
