14 
បាល់ទាត់៖ កីឡដ្ឋាន Lusail ដែលជាកន្លែងសម្រាប់ពិធីបើកការប្រកួត FIFA World Cup Qatar 2022 និងវគ្គផ្តាច់ព្រ័ត្រនឹងត្រូវសម្ពោធដាក់ឱ្យប្រើប្រាស់ផ្លូវការនៅដើមឆ្នាំក្រោយ។ នៅចុងឆ្នាំ២០២១ នេះកីឡដ្ឋានចំនួន ៧ ក្នុងចំណោម ៨ នឹងត្រូវបានសម្ពោធរួមមាន Ahmad Bin Ali, Al Bayt, Al Janoub, Al Thumama, Education City, Khalifa International និងកីឡដ្ឋាន 974 (Ras Abu Aboud)។
ការប្រកួតជម្រុះនៅទ្វីបអឺរ៉ុបបានបញ្ចប់នៅចុងខែវិច្ឆិកា ដោយក្រុមឈ្នះទាំង ១០ បានកក់សំបុត្ររបស់ពួកគេទៅកាន់វគ្គផ្តាច់ព្រ័ត្រ។ កាលពីដើមខែវិច្ឆិកា ប្រេស៊ីល និងអាហ្សង់ទីនបានក្លាយជាក្រុមដំបូងគេមកពីអាមេរិកខាងត្បូងដែលជាប់វគ្គជម្រុះ។ មកដល់ពេលនេះក្រុមចំនួន ១៣ ហើយដែលបានកក់កៅអី World Cup ២០២២ នៅកាតារួមមាន អាហ្សង់ទីន បែលហ្សិក ប្រេស៊ីល ក្រូអាត ដាណឺម៉ាក អង់គ្លេស បារាំង អាឡឺម៉ង់ ហូឡង់ កាតា (ម្ចាស់ផ្ទះ) ស៊ែប៊ី អេស្ប៉ាញ និងស្វ៊ីស៕
