15 
ខណ្ឌកំបូល៖ នាព្រឹកថ្ងៃសៅរ៍ ទី១៤ ខែសីហា ឆ្នាំ២០២១ នេះ លោក ឃឹម ស៊ុនសូដា អភិបាលនៃគណៈអភិបាលខណ្ឌកំបូល និង ភរិយា រួមទាំងមន្ត្រីសាលាខណ្ឌ និង លោកចៅសង្កាត់ឱឡោក បានចុះសំណេះសំណាល និងចែកអំណោយ របស់សម្តេចអគ្គមហាសេនាធិបតីតេជោ ហ៊ុនសែន និងសម្តេចគតក្តិព្រឹទ្ធបណ្ឌិត ប៊ុនរ៉ានី ហ៊ុនសែន តាមរយៈ ឯកឧត្តម ឃួងស្រេង អភិបាលនៃគណៈអភិបាលរាជធានីភ្នំពេញ ចំនួន២ភូមិ ស្ថិតនៅសង្កាត់ឪឡោក រួមមានភូមិត្រង់នំ ចំនួន៤៩គ្រួសារ និង ភូមិត្បែងមានជ័យចំនួន១២៥គ្រួសារ អំណោយចែកជូនរួមមាន អង្ក២៥គីឡូក្រាម ត្រីខ១ប្រអប់ មីមួយកេស ទឹកសុីអុីវមួយយួរ ថ្នាំមួយឃីត។
ក្នុងឪកាសនោះដែរលោក ឃឹម ស៊ុនសូដា បាន
ពាំនាំការសួរសុខទុក្ខ ពីសំណាក់ថ្នាក់ដឹកនាំ និងបានរំលឹកបងប្អូនប្រជាពលរដ្ឋអោយ ប្រកាន់ភ្ជាប់នៅវិធានការសុខាភិបាល ៣កុំ៣ការពារ ដេីម្បីការពារការឆ្លងជំងឺកូវីត១៩ផងដែរ។
ប្រជាពលរដ្ឋទាំងពីភូមិបានទទួលអំណោយសម្តេចតេជោ ហ៊ុន សែន និងសម្តេចគតក្តិព្រឹទ្ធបណ្ឌិត ប៊ុនរ៉ានី ហ៊ុនសែន ដោយស្នាមញញឹមនឹងក្តីរីករាយបំផុត ពលរដ្ឋដែលរស់នៅភូមិ ត្រង់នំ និង ភូមិត្បែងមានជ័យ សង្កាត់ ឱឡោក ខណ្ឌកំបូល បានផ្តាំផ្ញើរសារជូនពរ តាមរយៈលោក ឃឹម ស៊ុនសូដា អភិបាលនៃគណៈអភិបាលខណ្ឌកំបូល ជូន សម្តេចអគ្គមហាសេនាធិបតីតេជោ ហ៊ុនសែន និងសម្តេចគតក្តិព្រឹទ្ធបណ្ឌិត ប៊ុនរ៉ានី ហ៊ុនសែន
សូមទទួលបាននូវពលានុភាពខ្លាំងក្លា បញ្ញាឈ្លាសវៃ សុខភាពបរិបូរណ៌ អាយុយឺនយូរ ដើម្បីដឹកនាំមាតុភូមិកម្ពុជា ឲ្យមានភាពរីកចម្រើនទទួលបានជោគជ័យបន្តរទៅមុខទៀត និង សង្គមជាតិឆ្ពោះទៅរកវឌ្ឍនភាព វិបុលភាព និង សេចក្តីសុខ …..។ អត្ថបទ នាយភ្លុក
