ទាន់ហេតុការណ៍
ក្រសួងរៀបចំដែនដី នគរូបនីយកម្ម និងសំណង់ កន្លងមកបានធ្វើការសម្របសម្រួលលើករណីវិវាទក្នុងគម្រោងដីឡូត៍ គឹម សុខមានទីតាំងស្ថិតនៅភូមិត្រពាំងថ្លឹងទី៣ សង្កាត់ចោមចៅទី១ រាជធានីភ្នំពេញ ហើយថ្ងៃនេះក្រសួងបានអញ្ជើញបងប្អូនពលរដ្ឋមកជួបជុំនៅទីនេះដើម្បីធ្វើការបំពេញបែបបទបញ្ចប់ជូន។ - ក្រសួងរៀបចំដែនដី នគរូបនីយកម្ម និងសំណង់ (ដ.ន.ស.) សូមអំពាវនាវដល់ម្ចាស់សំណង់ និងក្រុមហ៊ុនម៉ៅការសាងសង់ ត្រូវគោរពបទប្បញ្ញត្តិនៃច្បាប់ស្តីពីសំណង់ និងត្រូវពិនិត្យនូវប្រព័ន្ធសុវត្ថិភាព និងឧបករណ៍ប្រើប្រាស់ក្នុងការដ្ឋានរបស់ខ្លួនជាកំហិត។ - សូមអញ្ជេីញ លោក លោកស្រី ដែលកំពុងកាន់កាប់ដីនៅក្នុង គម្រោងដីឡូត៍ គឹម សុខ ស្ថិតនៅភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ - ឯកឧត្តមឧបនាយករដ្ឋមន្ត្រី សាយ សំអាល់ បានផ្តល់អនុសាសន៍ និងសំណូមពរដល់វិស័យឯកជន ចូលរួមកសាងហេដ្ឋារចនាសម្ព័ន្ធនានា និងជំរុញខឿនសេដ្ឋកិច្ចជាតិកាន់តែប្រសើរសុខុម។ - សូមអញ្ជើញអតិថិជនរបស់ បុរីនាគរាជសិទ្ធី ដែល​មានទីតាំងស្ថិតនៅភូមិទួលពន្យាំង​ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ - សូមអញ្ជើញអតិថិជន បុរី KP ម៉ន ដានី គម្រោងទី២៩ ដែលខកខានមិនបានមកដាក់ពាក្យស្នើសុំផ្ទេរកម្មសិទ្ធិ និងធ្វើបច្ចុប្បន្នកម្មទិន្នន័យកាលពីពេលកន្លងទៅ - បងប្អូន​ក្រុមការងារជំនាញនៃអគ្គនាយកដ្ឋានសំណង់បានចុះលើកកម្ពស់ការយល់ដឹងអំពីបច្ចេកទេសសាងសង់អគារពហុមុខងារកម្ពស់ ៣១ជាន់ ស្ថិតនៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ - បងប្អូនក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តរតនគិរី បន្តវាស់វែងក្បាលដីនៃការចុះបញ្ជីដីធ្លីមានលក្ខណៈជាប្រព័ន្ធជូនបងប្អូនប្រជាពលរដ្ឋនៅភូមិកាំ ឃុំល្អក់ ស្រុកអូរជុំ ខេត្តរតនគិរី។ - បងប្អូនសហគមន៍ អាជ្ញាធរមូលដ្ឋាន ជាមួយនឹងក្រុមការងារថ្នាក់ជាតិ បានមូលមតិគ្នាក្នុងការរៀបចំហេដ្ឋារចនាសម្ព័ន្ធទេសចរណ៍ផ្សារភ្ជាប់ទឹកដី នៅតំបន់ទេសចរណ៍សហគមន៍ភ្នំទឹកធំ សហគមន៍ព្រែកត្នោត និងសហគមន៍ត្រពាំងរពៅ ស្ថិតក្នុងភូមិសាស្រ្តខេត្តកំពត ក្នុងគោលបំណងដើម្បីទ្រទ្រង់ខឿនសេដ្ឋកិច្ចក្នុងសហគមន៍ និងគ្រួសារ។ - ក្រសួងរៀបចំដែនដី នគរូបនីយកម្ម និងសំណង់ បានដោះស្រាយបញ្ចប់លើករណីវិវាទដីធ្លី នៅក្នុងភូមិសាស្រ្តខេត្តកណ្តាល ចំនួន ៥ករណី ដែលមានភាពប្រទាក់ក្រឡា និងពាក់ព័ន្ធនឹងគូភាគីច្រើននៅក្នុងទីតាំងតែមួយ។
0

ព្រះខ័នរាជស្វាយរៀង ចុះកិច្ចសន្យានាំយកកីឡាករបរទេស ៥រូបរួចរាល់ ដើម្បីត្រៀមរដូវកាលថ្មី

ព្រះខ័នរាជស្វាយរៀង ចុះកិច្ចសន្យានាំយកកីឡាករបរទេស ៥រូបរួចរាល់ ដើម្បីត្រៀមរដូវកាលថ្មី

(ភ្នំពេញ)៖ លោក Conor Nestor គ្រូបង្វឹកក្រុមព្រះខ័នរាជស្វាយរៀងបានអះអាងថា ក្រុមរបស់ខ្លួនបានចុះកុងត្រាកីឡាករបរទេសចំនួន ៥រូប សម្រាប់ត្រៀមរដូវកាលថ្មី ឆ្នាំ២០២១ រួចហើយ ពោលគឺរង់ចាំតែការប្រកាសផ្លូវការប៉ុណ្ណោះ។

ជុំវិញការនាំចូលកីឡាករបរទេសនេះ លោក Conor បានបញ្ជាក់ថា «អ្វីដែលខ្ញុំអាចប្រាប់ទៅអ្នកគាំទ្ររបស់យើង ថាក្លិបបានចុះកុងត្រាកីឡាករបរទេសទាំង ៥រូបរួចរាល់ហើយ រង់ចាំតែមកដល់ជុំគ្នាយើងនឹងប្រកាសតែម្ដង។ ខ្ញុំគិតថា មិនជាបញ្ហាចោទទេ ដែលយើងមិនទាន់ប្រកាសពេលនេះ ព្រោះមនុស្សគ្រប់គ្នានៅមិនទាន់ដឹងពីសមាសភាពក្រុមកីឡាកររបស់ស្វាយរៀងនៅរដូវកាលក្រោយ ដែលជាមូលហេតុដែលខ្ញុំគិតថា ជារឿងល្អសម្រាប់យើង»

លោកបានបង្ហើបទៀតថា កីឡាករបរទេសដែលលោកនាំចូលត្រៀមរដូវកាលថ្មី សុទ្ធតែមានប្រវត្តិមិនធម្មតា និងអាចរួមចំណែកជួយក្រុមឆ្ពោះទៅរកភាពជោគជ័យទៀតផង។ លោកបន្ដថា «កីឡាករបរទេសទាំងនោះ សុទ្ធតែមានបទពិសោធច្រើន ដែលបានលេងនៅក្រុមកម្រិតខ្ពស់។ ដូច្នេះពួកគាត់នឹងមកជួយក្រុម»

ដោយឡែកកីឡាករក្នុងស្រុកវិញ លោកក៏បាននាំចូល ២រូបបន្ថែមលើអ្នកចាំទីកូនកាត់ខ្មែរ-ថៃ អេឡិច យូ ហើយបានចុះកុងត្រារួចរាល់ផងដែរ ដែលធ្វើឲ្យព្រះខ័នរាជស្វាយរៀងមានចំនួនកីឡាករគ្រប់គ្រាន់ ដើម្បីត្រៀមរដូវកាលឆ្នាំ២០២១ ទោះបីក្លិបបានចែកផ្លូវជាមួយកីឡាករចំនួន ៨រូប កាលពីពេលថ្មីៗក៏ដោយ។

គ្រូបង្វឹកសញ្ជាតិអៀរឡង់ដដែលបន្ថែមថា «សម្រាប់ខ្ញុំជាចំនួនគ្រប់គ្រាន់ហើយ ឆ្នាំទៅយើងមានកីឡាកររហូតដល់ ២៧នាក់ ព្រោះយើងដឹងថា យើងនឹងប្រកួតប្រជែង ២កម្មវិធីនៅកម្ពុជា និង ២កម្មវិធីក្នុងអាស៊ី ក្រោយមក AFC បានលុបចោល ក៏ដូចជា ACC…។ ដូច្នេះខ្ញុំគិតថាវាគ្រប់គ្រាន់ហើយ សម្រាប់ចំនួនកីឡាករពេលនេះ ហើយខ្ញុំក៏មានអារម្មណ៍រំភើប ចំពោះកីឡាករវ័យក្មេងដែលយើងនឹងនាំមកចូលរួមក្រុមផងដែរ»

គួរបញ្ជាក់ថា មកទល់ពេលនេះ អតីតក្រុមជើងឯកលីគឆ្នាំ២០១៩ នេះ ទើបបង្ហាញសមាជិកថ្មីផ្លូវការម្នាក់ប៉ុណ្ណោះ គឺអ្នកចាំទី អេឡិច យូ អតីតសមាជិកក្លិបភ្នំពេញក្រោន និងបឹងកេត។ រីឯសមាជិកថ្មីផ្សេងទៀត គេរំពឹងថា ព្រះខ័នរាជស្វាយរៀងនឹងប្រកាសនាពេលឆាប់ៗខាងមុខ មុនពួកគេបើកការប្រមូលផ្ដុំហ្វឹកហាត់ ត្រៀមរដូវកាលថ្មី ឆ្នាំ២០២១៕

Filed in: ព័ត៌មានកីឡា, ព័ត៌មានកីឡាជាតិ, ព័ត៌មានថ្មី

Leave a Reply

Submit Comment
«រហាត់ទឹក | Rorhattoek» ព័ត៌មានថ្មីៗ ទាន់ហេតុការណ៍ ! ទាក់ទងផ្តល់ព័ត៌មាន តាមទូរស័ព្ទលេខ 095 33 22 41 ឬ តាម Whatsapp : 095 33 22 41 | Telegram : 095 33 22 41 សូមអរគុណ !

©២០១៨ រក្សាសិទ្ធិដោយសារព័ត៌មាន «រហាត់ទឹក ព័ត៌មាន | RorhatToek News» | ទូរស័ព្ទ៖ 095 33 22 41

សហការផ្តល់ព័ត៌មាន៖ 095 33 22 41 |