ទីតាំងល្បែងអាប៉ោងនិងជល់មាន់នៅខេត្តរតនៈគីរីមិនខ្លាចញញឺតសមត្ថកិច្

ខេត្តរតនៈគីរី៖ យោងតាមប្រភពបានឱ្យដឹងថានៅក្នុងទឹកដីនៃអាណាចក្រខេត្ត រតនៈគីរី ដែលជាទឹកដីរបស់លោក ថង សាវុន អភិបាលខេត្តរតនៈគិរី បានបណ្តោយឱ្យកើតមានល្បែងសុីសងខុសច្បាប់មានដូចជា អាប៉ោង យូគី ជល់មាន់ជាដើម ដែលម្ចាស់ទីតាំងនេះបានរត់ការសែនព្រេនឱ្យម្ចាស់ទឹកដីរួចរាល់អស់ហើយ ដូចឆ្នេះហើយបើទោះបីពលរដ្ឋទៅប្តឹងក៍គ្មានប្រយោជន៍ដែរ អង្គភាពសារព័ត៌មានក្នុងស្រុកជាច្រើនបានផ្សព្វផ្សាយនៅលើគេហទំព័រតែបានត្រឹមការច្រានចោលពីមន្ត្រីខេត្តរតនៈគីរីថាជាព័ត៌មានមិនពិតទៅវិញ។

ប្រភពដែលផ្តល់ព័ត៌មានយ៉ាងច្បាស់ៗពីសកម្មភាពរបស់ពួកញៀនល្បែងទាំងអស់នេះគឺមានទាំងរូបថតនិងវីដេអូដែលយើងឃើញថាអ្នកលេងគឺមិនខ្វល់ពីការចាប់ខ្លួនរបស់សមត្ថកិច្ចទាល់តែសោះ គឺស្រែកលូឡាយ៉ាងសប្បាយ ក្នុងមួយថ្ងៃម្ចាស់ទីតាំងប្រមូលលុយមិនក្រោមពី ប្រាំពីមុឺនដុល្លាអាមេរិក។

ទីតាំងល្បែងខាងលើនេះស្ថិតនៅ
១.  ភូមិភ្នំធំ ឃុំ យក្សឡោម ក្រុងបានលុង ខេត្ត រតនៈគីរី  នៅចំណុចភ្នំយោល
២.នៅផ្ទះឈ្មោះ ទេប វណ្ណា ហៅអូនធំ ស្ថិតនៅភូមិ បឹងកន្សែង ឃុំ ឡាបានសៀក ក្រុងបានលុង ខេត្ត រតនៈគិរី

ម្ចាស់ទីតាំងបនល្បែងសុីសងខាងលើឈ្មោះ ទេប វណ្ណា ដែលមានអ្នកមើលការខុសត្រូវឈ្មោះ ហ្វុង និង ឈ្មោះ មករា ។

ទីតាំងល្បែងអាប៉ោង យូគី ជល់មាន់ខាងលើនេះ អង្គភាពសារព័ត៌មាន KNN news បានផ្តល់ព័ត៌មានទៅលោក យិន សំណាង ស្នងការខេត្តរតនៈគិរី និង លោក ថង សាវុន អភិបាលខេត្តរតនៈគិរី តាមរយះ Telegram នៅថ្ងៃទី០១ខែវិច្ឆិកាឆ្នាំ២០២០ថ្មីៗនេះដែរតែលោកមិនឆ្លើយតប។

ដើម្បីរក្សាភូមិឃុំមានសុវត្ថិភាពទាំង៩ចំណុច
ប្រភពបានស្នើសំដល់សម្តេចក្រឡាហោម ស ខេង ឧបនាយករដ្ឋមន្ត្រី និង ជារដ្ឋមន្ត្រីក្រសួងមហាផ្ទៃ ជួយមានវិថានការចំពោះម្ចាស់ទីតាំងខាងលើនេះផង។ អត្ថបទ នាយភ្លុក