21 
ភ្នំពេញ៖ នៅព្រឹកថ្ងៃទី១៤ ខែមិថុនាឆ្នាំ២០១៩នេះ លោកឧត្តមសេនីយ៍ឯក ស ថេត អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ បានអញ្ជើញប្រកាសឲ្យចូលកាន់តំណែងជាផ្លូវការ នៃអធិការនគរបាលខណ្ឌកំបូល និងអធិការដ្ឋាននគរបាលខណ្ឌបឹងកេងកង។
សម្ដេចក្រឡាហោម ស ខេងឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានតែងតាំងលោកវរសេនីយ៍ទោ ហង្ស មុនី ពីអធិការរង នៃអធិការដ្ឋាននគរបាលខណ្ឌសែនសុខជាអធិការនគរបាលខណ្ឌកំបូល និងលោកវរសេនីយ៍ទោ ស៊ឹម ពិសិដ្ឋ ពីអធិការរង នៃអធិការដ្ឋាននគរបាលខណ្ឌទួលគោក ជាអធិការខណ្ឌបឹងកេងកង។
ក្នុងពិធីនោះដែរ លោកឧត្តមសេនីយ៍ឯក ស ថេត បានណែនាំ និងក្រើនរំលឹកថ្នាក់នាយនគរបាល ដែលទើបតែងតាំងនិងប្រកាសឲ្យចូលកាន់តំណែងថ្មីនេះត្រូវតែខិតខំបម្រើប្រជាពលរដ្ឋឲ្យបានល្អបន្ថែមទៀត ហើយត្រូវតែរក្សាសាមគ្គីភាព មិនត្រូវបែងចែកបក្ខពួក ៕
