10 ភ្នំពេញ៖ ក្រសួងវប្បធម៌ និងវិចិត្រសិល្បៈនៃព្រះរាជាណាចក្រកម្ពុជា នាព្រឹកថ្ងៃទី១៤ ខែវិចិ្ឆកា ឆ្នាំ២០២២នេះ បានបើកសិក្ខាសាលាអន្តរជាតិ ស្តីពីការអប់រំបេតិកភណ្ឌវប្បធម៌ នៅអាស៊ាន២០២២, ដោយមានការចូលរួមពីសិក្ខាកាមដែលជាប្រទេសសមាជិកអាស៊ាន ទាំង១០ប្រទេស។
លោកសាស្ត្រាចារ្យ Yoshiaki Ishizawa នាយកមជ្ឈមណ្ឌលអាស៊ី សម្រាប់ការស្រាវជ្រាវ និងអភិវឌ្ឍន៍ធនធានមនុស្ស នៅប្រទេសជប៉ុន និងជានាយកសាកលវិទ្យាល័យ Sophia (សូព្យា) បានឲ្យដឹងថា គោលជំហររបស់មជ្ឈមណ្ឌល និងសាកលវិទ្យាល័យ គឺការថែរក្សាបេតិកភណ្ឌរបស់ខ្មែរ ត្រូវតែធ្វើដោយដៃកូនខ្មែរ ដើម្បីខ្មែរ។ ដូច្នេះសាកលវិទ្យាល័យ សូព្យា គ្រាន់តែចូលរួមជួយជ្រោមជ្រែងផ្តល់លទ្ធភាពឲ្យកូនខ្មែរ អាចធ្វើដោយខ្លួនឯង អាចជួសជុលប្រាសាទដោយខ្លួនឯងបាន អាចថែរក្សាខ្លួនឯងបាន ជាពិសេសសព្វថ្ងៃបេសកកម្មរបស់សាកលវិទ្យាល័យសូព្យា និងអាជ្ញាធរជាតិអប្សរា បានសហការគ្នា កំពុងតែរុករកនិងធ្វើការជួសជុលស្ពានហាល ផ្លូវចូលទៅកាន់ប្រាសាទអង្គរវត្ត ក្រៅពីនោះជារៀងរាល់ឆ្នាំសាកលវិទ្យាល័យ ក៏បានអញ្ជើញនិសិ្សតនៃសាកលវិទ្យាល័យភូមិន្ទវិចិត្រសិល្បៈ ឲ្យធ្វើកម្មសិក្សា និងធ្វើកំណាយនៅតាមប្រាសាទនានាក្នុងតំបន់អង្គរ ខេត្តសៀមរាប។ ជាពិសេសថ្ងៃនេះយើងក៏បានរៀបចំជាសិក្ខាសាលាស្តីពី ការអប់រំបេតិកភណ្ឌវប្បធម៌ នៅអាស៊ាន២០២២ ក្នុងគោលបំណងបង្កើតជាសៀវភៅណែនាំមួយ ដើម្បីអប់រំ ដែលនៅក្នុងតំបន់របស់យើងតាមលក្ខណៈពិសេសនៃកេរ្តិ៍មរតកវប្បធម៌របស់អាស៊ាន។
ឯកឧត្តម ប្រាក់ សុណ្ណារ៉ា រដ្ឋលេខាធិការ និងជាតំណាងដ៏ខ្ពង់ខ្ពស់របស់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានថ្លែងថា សិក្ខាសាលានាពេលនេះ ផ្តោតសំខាន់លើការងារថែរក្សា សម្បតិ្តបេតិកភណ្ឌវប្បធម៌ ក៏ដូចជាការផ្សព្វផ្សាយមិនថាតែសម្រាប់ប្រជាជនកម្ពុជានោះទេ គឺសម្រាប់ប្រជាជនក្នុងតំបន់អាស៊ានទាំងមូល និងអាចឈានទៅប្រជាជនក្នុងពិភពលោកផងដែរ។
ជាចុងក្រោយឯកឧត្តម ប្រាក់ សុណ្ណារ៉ា បានបញ្ជាក់ទៀតថា សម្បតិ្តវប្បធម៌ដែលមាននៅកម្ពុជា បើតាមការស្រាវជ្រាវ និងចុះក្នុងបញ្ជីសារពើភ័ណ្ឌ មានចំនួនជាង៦០០០ស្ថានីយបុរាណ (ស្ថានីយបុរាណ រាប់ទាំងប្រាសាទនៅមានរូបរាង និងប្រាសាទនៅសល់តែគ្រឹះ និងទីទួលបុរាណ ទីកប់សព បារាយណ៍ ការដ្ឋានយកថ្មកសាងប្រាសាទ វត្តបុរាណ រួមនឹងសំណង់ផ្សេងៗជាដើម ក៏ចាត់ទុកជាសម្បតិ្តបេតិកភណ្ឌ ដែលបានបញ្ជាក់អំពីចំនួនសម្បតិ្តបេតិកភណ្ឌវប្បធម៌ដែលមាននៅទូទាំងប្រទេស កម្ពុជាទាំងអស់នេះ គឺជាកម្មវត្ថុនៃការអភិរក្ស និងអភិវឌ្ឍ ក៏ដូចជាថែរក្សាគាំពារសម្បតិ្តទាំងនេះឲ្យបានគង់វង្សសម្រាប់មនុស្សជំនាន់ក្រោយ) ឯកឧត្តម រដ្ឋលេខាធិការ ក៏សូមអំពាវនាវដល់បងប្អូនប្រជាពលរដ្ឋជនរួមជាតិគ្រប់រូប ជាពិសេសយុវជន ធ្វើយ៉ាងណាត្រូវចូលរួមទាំងអស់គ្នា ថែរក្សាការពារសម្បតិ្តវប្បធម៌របស់ខ្លួន ដែលដូនតាបានបន្សល់ទុកសម្រាប់កូនចៅយើងបន្តទៀត ឲ្យចូលរួមអភិរក្ស និងអភិវឌ្ឍន៍៕
ភ្នំពេញ៖ ក្រសួងវប្បធម៌ និងវិចិត្រសិល្បៈនៃព្រះរាជាណាចក្រកម្ពុជា នាព្រឹកថ្ងៃទី១៤ ខែវិចិ្ឆកា ឆ្នាំ២០២២នេះ បានបើកសិក្ខាសាលាអន្តរជាតិ ស្តីពីការអប់រំបេតិកភណ្ឌវប្បធម៌ នៅអាស៊ាន២០២២, ដោយមានការចូលរួមពីសិក្ខាកាមដែលជាប្រទេសសមាជិកអាស៊ាន ទាំង១០ប្រទេស។
លោកសាស្ត្រាចារ្យ Yoshiaki Ishizawa នាយកមជ្ឈមណ្ឌលអាស៊ី សម្រាប់ការស្រាវជ្រាវ និងអភិវឌ្ឍន៍ធនធានមនុស្ស នៅប្រទេសជប៉ុន និងជានាយកសាកលវិទ្យាល័យ Sophia (សូព្យា) បានឲ្យដឹងថា គោលជំហររបស់មជ្ឈមណ្ឌល និងសាកលវិទ្យាល័យ គឺការថែរក្សាបេតិកភណ្ឌរបស់ខ្មែរ ត្រូវតែធ្វើដោយដៃកូនខ្មែរ ដើម្បីខ្មែរ។ ដូច្នេះសាកលវិទ្យាល័យ សូព្យា គ្រាន់តែចូលរួមជួយជ្រោមជ្រែងផ្តល់លទ្ធភាពឲ្យកូនខ្មែរ អាចធ្វើដោយខ្លួនឯង អាចជួសជុលប្រាសាទដោយខ្លួនឯងបាន អាចថែរក្សាខ្លួនឯងបាន ជាពិសេសសព្វថ្ងៃបេសកកម្មរបស់សាកលវិទ្យាល័យសូព្យា និងអាជ្ញាធរជាតិអប្សរា បានសហការគ្នា កំពុងតែរុករកនិងធ្វើការជួសជុលស្ពានហាល ផ្លូវចូលទៅកាន់ប្រាសាទអង្គរវត្ត ក្រៅពីនោះជារៀងរាល់ឆ្នាំសាកលវិទ្យាល័យ ក៏បានអញ្ជើញនិសិ្សតនៃសាកលវិទ្យាល័យភូមិន្ទវិចិត្រសិល្បៈ ឲ្យធ្វើកម្មសិក្សា និងធ្វើកំណាយនៅតាមប្រាសាទនានាក្នុងតំបន់អង្គរ ខេត្តសៀមរាប។ ជាពិសេសថ្ងៃនេះយើងក៏បានរៀបចំជាសិក្ខាសាលាស្តីពី ការអប់រំបេតិកភណ្ឌវប្បធម៌ នៅអាស៊ាន២០២២ ក្នុងគោលបំណងបង្កើតជាសៀវភៅណែនាំមួយ ដើម្បីអប់រំ ដែលនៅក្នុងតំបន់របស់យើងតាមលក្ខណៈពិសេសនៃកេរ្តិ៍មរតកវប្បធម៌របស់អាស៊ាន។
ឯកឧត្តម ប្រាក់ សុណ្ណារ៉ា រដ្ឋលេខាធិការ និងជាតំណាងដ៏ខ្ពង់ខ្ពស់របស់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានថ្លែងថា សិក្ខាសាលានាពេលនេះ ផ្តោតសំខាន់លើការងារថែរក្សា សម្បតិ្តបេតិកភណ្ឌវប្បធម៌ ក៏ដូចជាការផ្សព្វផ្សាយមិនថាតែសម្រាប់ប្រជាជនកម្ពុជានោះទេ គឺសម្រាប់ប្រជាជនក្នុងតំបន់អាស៊ានទាំងមូល និងអាចឈានទៅប្រជាជនក្នុងពិភពលោកផងដែរ។
ជាចុងក្រោយឯកឧត្តម ប្រាក់ សុណ្ណារ៉ា បានបញ្ជាក់ទៀតថា សម្បតិ្តវប្បធម៌ដែលមាននៅកម្ពុជា បើតាមការស្រាវជ្រាវ និងចុះក្នុងបញ្ជីសារពើភ័ណ្ឌ មានចំនួនជាង៦០០០ស្ថានីយបុរាណ (ស្ថានីយបុរាណ រាប់ទាំងប្រាសាទនៅមានរូបរាង និងប្រាសាទនៅសល់តែគ្រឹះ និងទីទួលបុរាណ ទីកប់សព បារាយណ៍ ការដ្ឋានយកថ្មកសាងប្រាសាទ វត្តបុរាណ រួមនឹងសំណង់ផ្សេងៗជាដើម ក៏ចាត់ទុកជាសម្បតិ្តបេតិកភណ្ឌ ដែលបានបញ្ជាក់អំពីចំនួនសម្បតិ្តបេតិកភណ្ឌវប្បធម៌ដែលមាននៅទូទាំងប្រទេស កម្ពុជាទាំងអស់នេះ គឺជាកម្មវត្ថុនៃការអភិរក្ស និងអភិវឌ្ឍ ក៏ដូចជាថែរក្សាគាំពារសម្បតិ្តទាំងនេះឲ្យបានគង់វង្សសម្រាប់មនុស្សជំនាន់ក្រោយ) ឯកឧត្តម រដ្ឋលេខាធិការ ក៏សូមអំពាវនាវដល់បងប្អូនប្រជាពលរដ្ឋជនរួមជាតិគ្រប់រូប ជាពិសេសយុវជន ធ្វើយ៉ាងណាត្រូវចូលរួមទាំងអស់គ្នា ថែរក្សាការពារសម្បតិ្តវប្បធម៌របស់ខ្លួន ដែលដូនតាបានបន្សល់ទុកសម្រាប់កូនចៅយើងបន្តទៀត ឲ្យចូលរួមអភិរក្ស និងអភិវឌ្ឍន៍៕
