កម្ពុជាបណ្ដេញចេញជនបរទេសចំនួន៣៧នាក់ ក្រោយចាប់ខ្លួនពាក់ព័ន្ធបទល្មើសលួចឆ្លងដែន ស្នាក់នៅ និងធ្វើការងារខុសច្បាប់

(ភ្នំពេញ)៖ ជនបរទេសចំនួន៣៧នាក់ ក្នុងនោះមានស្រី០៦នាក់ ត្រូវបានអគ្គនាយកដ្ឋានអន្តោប្រវេសន៍ ធ្វើការបណ្តេញចេញពីកម្ពុជា តាមប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ និងប៉ុស្តិ៍នគរបាលច្រកទ្វារព្រំដែន អន្តរជាតិត្រពាំងផ្លុង ក្រោយចាប់ខ្លួនពាក់ព័ន្ធនឹងបទល្មើសលួចឆ្លងដែនខុសច្បាប់ ស្នាក់នៅខុសច្បាប់ និងធ្វើការខុសច្បាប់នៅកម្ពុជា។

តាមសេចក្តីប្រកាសព័ត៌មានអ្នកនាំពាក្យអគ្គនាយកដ្ឋានអន្តោប្រវេសន៍ ដែល ទទួលបាននៅថ្ងៃទី១ ខែតុលា ឆ្នាំ២០២២នេះ បានបញ្ជាក់ថា នៅថ្ងៃទី៣០ ខែកញ្ញា ឆ្នាំ២០២២ អគ្គនាយកដ្ឋានអន្តោប្រវេសន៍ បានធ្វើការបណ្ដេញជនបរទេសចំនួន៣៧នាក់ ស្រី០៦នាក់ មាន០៣សញ្ជាតិ ក្នុងនោះជនជាតិម៉ាឡេស៊ីចំនួន១៣នាក់ជនជាតិតង់ហ្សានីចំនួន០១នាក់និងជនជាតិវៀតណាមចំនួន២៣នាក់ ចេញពីព្រះរាជាណាចក្រកម្ពុជាអនុលោមតាមច្បាប់ស្តីពីអន្តោប្រវេសន៍ តាមប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ និងប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងផ្លុង។

អ្នកពាក្យអគ្គនាយកដ្ឋានអន្តោប្រវេសន៍ បានបញ្ជាក់ថា «ជនបរទេសចំនួន៣៧នាក់ខាងលើ ត្រូវបានសមត្ថកិច្ចធ្វើការឃាត់ខ្លួន ពាក់ព័ន្ធបទល្មើសលួចឆ្លងដែនខុសច្បាប់ និងលួចស្នាក់នៅនិងធ្វើការងារខុសច្បាប់ ដែលល្មើសនឹងច្បាប់ស្តីពីអន្តោប្រវេសន៍ ដោយត្រូវធ្វើការបណ្ដេញចេញតាមប្រកាសរបស់ក្រសួងមហាផ្ទៃ និងហាមឃាត់ការចូលប្រទេសកម្ពុជារយៈពេល»៕