ព្រះមហាក្សត្រ ត្រាស់បង្គាប់តែងតាំង លោកកិត្តិនីតិកោសលបណ្ឌិត អ៉ឹម ឈុនលឹម ជាប្រធានក្រុមប្រឹក្សាធម្មនុញ្ញសម្រាប់អាណត្តិថ្មី

(ភ្នំពេញ)៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានសម្រេចត្រាស់បង្គាប់តែងតាំង លោកកិត្តិនីតិកោសលបណ្ឌិត អ៉ឹម ឈុនលឹម ជាប្រធានក្រុមប្រឹក្សាធម្មនុញ្ញសម្រាប់អាណត្តិថ្មី ឆ្នាំ២០២២ ដល់ឆ្នាំ២០២៥។

ព្រះរាជក្រឹត្យត្រាស់បង្គាប់តែងតាំងនេះ បានធ្វើឡើងកាលពីថ្ងៃទី២៧ ខែមិថុនា ឆ្នាំ២០២២ម្សិលមិញនេះ។ សូមបញ្ជាក់ថា នៅថ្ងៃម្សិលមិញនេះ លោកកិត្តិនីតិកោសលបណ្ឌិត អ៉ឹម ឈុនលឹម ត្រូវបានសមាជិក សមាជិក ក្រុមប្រឹក្សាធម្មនុញ្ញបោះឆ្នោតជ្រើសតាំងជាប្រធានក្រុមប្រឹក្សាធម្មនុញ្ញសម្រាប់អាណត្តិ៣ឆ្នាំ លើកទី៩ (ឆ្នាំ២០២២ ដល់ឆ្នាំ២០២៥) ។

លោកកិត្តិនីតិកោសលបណ្ឌិត អ៉ឹម ឈុនលឹម ត្រូវបានបោះឆ្នោតជ្រើសតាំងជាប្រធានក្រុមប្រឹក្សាធម្មនុញ្ញកាលពីឆ្នាំ២០១៦។ លោកបានគ្រប់គ្រងតំណែងនេះរយៈពេលពីរអាណត្តិរួចមកហើយ៕