គ.ជ.ប បង្ហាញប្រសិទ្ធភាពទឹកខ្មៅលុបមិនជ្រះ សម្រាប់បម្រើឱ្យការបោះឆ្នោតខាងមុខនេះ ដល់តំណាងបក្សនយោបាយ និងភាគីពាក់ព័ន្ធ

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាទិញទឹកខ្មៅលុបមិនជ្រះ ពីប្រទេសឥណ្ឌាជាង ៥ម៉ឺនដប សម្រាប់ជ្រលក់ដៃអ្នកបោះឆ្នោត​នៅក្នុងការបោះឆ្នោត​ជ្រើសរើស​ក្រុមប្រឹក្សា​ឃុំសង្កាត់អាណត្តិទី៥ ឆ្នាំ២០២២ ខាងមុខនេះ។

ទឹកខ្មៅទាំងនោះ ត្រូវបានយកមកធ្វើតេស្តដើម្បីបង្ហាញអំពីគុណភាព នៅព្រឹកថ្ងៃទី១៣ ខែឧសភា ឆ្នាំ២០២២ នេះ នៅទីស្តីការ គ.ជ.ប។

ការធ្វើតេស្តទឹកខ្មៅលុបមិនជ្រះ គឺមានការចូលរួមពីតំណាងគណបក្សនយោបាយ និងអង្គការសង្គមស៊ីវិលជាតិ និងអន្តរជាតិ រួមទាំងភាគីពាក់ព័ន្ធផងដែរ៕